لینڈ ریفارمز کی اصل کمیٹی میں تمام اضلاع کے نمائندے شامل ہیں، ترجمان جی بی حکومت

اسلام ٹائمز۔ ترجمان گلگت بلتستان حکومت فیض اللہ فراق نے اپنے ایک بیان میں کہا ہے کہ لینڈ ریفارمز کمیٹی میں صوبہ بھر کے تمام ریجنز سے نمائندگی شامل ہے۔ لینڈ ریفارمز کی اصل کمیٹی جس نے خطے کی عوام سے مشاورت کرنی تھی اس میں تمام اضلاع کے نمائندے شامل ہیں اور یہ کمیٹی جولائی 2024ء کو تشکیل پائی تھی جو تاحال برقرار ہے۔ ترجمان نے واضح کیا کہ گزشتہ دنوں وکلاء برادری سے مشاورت اور وکلاء برادری کے امور کیلئے ایک عارضی کمیٹی بنائی گئی تھی جن کی زمہ داری محض وکلاء برادری سے گفت و شنید اور مشاورت کر کے تجاویز لینی ہے۔