نگر، مسافر وین کھائی میں جا گرنے سے ایک شخص جاں بحق، 19 زخمی

اسلام ٹائمز۔ گلگت بلتستان کے ضلع نگر میاچھر سے گلگت جاتے ہوئے ناصرآباد ہنزہ چیک پوسٹ کے قریب مسافر وین کھائی میں جا گرنے سے ایک شخص جاں بحق جبکہ 19 زخمی ہو گئے۔ ریسکیو ذرائع کے مطابق وین کو حادثہ صبح نو بجے پیش آیا۔ مسافر وین میں کل 20 افراد سوار تھے۔ حادثہ ڈرائیور کی طبیعت خراب ہونے سے پیش آیا، چار زخمیوں کی حالت نازک بتائی جا رہی ہے۔ ریسکیو 1122 ہنزہ اور نگر کی ٹیموں نے زخمیوں کو ڈی ایچ کیو ہسپتال سکندر آباد نگر منتقل کر دیا۔