پاکستان اور بنگلہ دیش کے درمیان دفاعی پیداوار اور دو طرفہ سرمایہ کاری کے معاہدے متوقع

اسلام ٹائمز۔ سابق مشرق پاکستان اور موجودہ بنگلہ دیش اور پاکستان تجارت، دفاعی پیداوار اور دو طرفہ سرمایہ کاری کے معاہدے (BIT) پر دستخط سمیت مختلف شعبوں میں اپنے دوطرفہ تعلقات کو مضبوط بنانے کے لیے تیار ہیں۔ باخبر ذرائع نے عندیہ دیا ہے کہ ان تجاویز کا پاکستان بنگلہ دیش مشترکہ اقتصادی کمیشن (جے ای سی) کے آئندہ اجلاس میں جائزہ لیا جائے گا۔ بزنس ریکارڈر کی رپورٹ کے مطابق بنگلہ دیش میں حالیہ سیاسی تبدیلیوں کی روشنی میں جے ای سی کی اہمیت میں اضافہ ہوا ہے۔ وزارت خارجہ (ایم او ایف اے) فی الحال جے ای سی کی اگلی میٹنگ کے ایجنڈے کو حتمی شکل دینے کے لیے متعلقہ وزارتوں کے ساتھ ملکر کام کررہے ہیں۔