حزب اللہ مزید مضبوط جبکہ اسرائیل کی صلاحیتیں کمزور ہو رہی ہیں، صیہونی میڈیا کا اعتراف

اسلام ٹائمز۔ صیہونی میڈیا نے اعتراف کیا ہے کہ اسرائیل حزب اللہ کو شکست نہیں دے سکا، حزب مزید مضبوط ہو رہی ہے اور اسرائیل کی صلاحیتوں میں کمی ہو رہی ہے۔ اسرائیل ہیوم اخبار کے عسکری امور کے نمائندے نے "چینل 12" کو بتایا "اسرائیل نے ابھی تک حزب اللہ کو شکست نہیں دی ہے اور یہ کہ معاملہ ختم نہیں ہوا ہے۔" چینل 12 نے اس پر تبصرہ کرتے ہوئے کہا، "اس میں کوئی شک نہیں کہ وقت گزرنے کے ساتھ اسرائیل کی کامیابیاں کم ہوتی جا رہی ہیں، جب کہ حزب اللہ کی کامیابیوں میں اضافہ ہوتا جا رہا ہے۔