وزیر اعظم نے گانچھے میں رمدے یونیورسٹی منصوبے کا افتتاح کر دیا

اسلام ٹائمز۔ وزیراعظم محمد شہباز شریف نے ضلع گانچھے کے سب ڈویژن مشہ بروم کے ہیڈکوارٹر تھگس میں نجی شعبے کی پہلی یونیورسٹی رمدے یونیورسٹی منصوبے کا افتتاح کر دیا۔ افتتاحی تقریب اسلام آباد میں منعقد ہوئی۔ یہ یونیورسٹی 200 کنال اراضی پر تعمیر کی جائے گی۔ رمدے یونیورسٹی ایک ٹرسٹ کے ذریعے قائم کی جا رہی ہے، جس کی تعمیر اوورسیز پاکستانیوں کے عطیات سے کی جا رہی ہے۔ یہ ادارہ 11,000 فٹ کی بلندی پر واقع ہوگا، جو اسے عالمی سطح پر بلند ترین یونیورسٹیوں میں سے ایک بنائے گا۔ یونیورسٹی ماحولیاتی مطالعات، موسمیاتی تبدیلی، ہائیڈرولوجی، اور معدنی علوم میں خصوصی پروگرام پیش کرنے کے لیے تیار ہے، جس کا مقصد ان شعبوں میں تعلیم اور تحقیق میں نمایاں حصہ ڈالنا ہے۔