کراچی، 15 تھانوں میں تعینات ہیڈ محرروں کو عہدوں سے ہٹا دیا گیا

اسلام ٹائمز۔ کراچی پولیس چیف جاوید عالم اوڈھو نے شہر کے 15 تھانوں میں تعینات ہیڈ محرروں کو عہدے سے ہٹا کر انہیں جمعرات 9 جنوری کو کراچی پولیس آفس (کے پی او) رپورٹ کرنے کا حکم نامہ جاری کر دیا۔ حکم نامے کے مطابق کراچی پولیس چیف نے گلشن اقبال تھانے کے ہیڈ محرر اے ایس آئی اشرف، بلدیہ ٹاؤن تھانے کے ہیڈ محرر اے ایس آئی سید علی عمران، ملیر سٹی تھانے کے ہیڈ محرر اے ایس آئی راؤ فاروق، عزیز آباد تھانے کے ہیڈ محرر اے ایس آئی عمران شبیر، کورنگی صنعتی ایریا تھانے کے ہیڈ محرر اے ایس آئی محمد انور کو عہدے سے ہٹا دیا۔

اسی طرح جمشید کوارٹر تھانے کے ہیڈ محرر ہیڈ کانسٹیبل راحیل، شارع فیصل تھانے کے ہیڈ محرر ہیڈ کانسٹیبل وسیم عباس، سہراب گوٹھ تھانے کے ہیڈ محرر ہیڈ کانسٹیبل محمد عدنان، ایئر پورٹ تھانے کے ہیڈ محرر ہیڈ کانسٹیبل ملک ظہیر، فیروز آباد تھانے کے ہیڈ محرر ہیڈ کانسٹیبل ساجد کو بھی عہدے سے ہٹایا گیا۔ شاہ لطیف ٹاؤن تھانے کے ہیڈ محرر ہیڈ کانسٹیبل حنیف، میمن گوٹھ تھانے کے ہیڈ محرر ہیڈ کانسٹیبل رانا آصف، گلستان جوہر تھانے کے ہیڈ محرر ہیڈ کانسٹیبل ملک لیاقت، ماڈل کالونی کے ہیڈ محر ہیڈ کانسٹیبل عمرالرحمٰن اور پاکستان بازار تھانے کے ہیڈ محرر ہیڈ کانسٹیبل عمیر درانی کو بھی عہدے سے ہٹا دیا گیا ہے۔