مختلف مقامات پر شدید دُھند کے باعث موٹر ویز بند

اسلام ٹائمز۔ دھند کی وجہ سے موٹرویز کو مختلف مقامات سے بند کر دیا گیا۔ سید عمران احمد ترجمان موٹروے پولیس کے مطابق موٹروے ایم 4 گوجرہ سے ملتان دھند کی وجہ سے بند کر دی گئی، موٹروے ایم 5 ملتان سے روہڑی تک دھند کے وجہ سے بند کی گئی۔ ترجمان موٹروے پولیس نے مزید بتایا کہ موٹرویز کو عوام کی حفاظت اور محفوظ سفر یقینی بنانے کے لئے بند کیا جاتا ہے، شہری زیادہ سے زیادہ دن کے اوقات میں سفر کرنے کو ترجیح دیں، صبح 10 سے شام 6 بجے تک دھند کے موسم میں بہترین سفری اوقات ہیں۔ موٹروے ترجمان کا کہنا تھا کہ ڈرائیور حضرات آگے اور پیچھے دھند والی لائٹس کا استعمال کریں، عوام غیر ضروری سفر سے گریز کریں، تیز رفتاری سے پرہیز کریں اور اگلی گاڑی سے مناسب فاصلہ رکھیں۔