مرکزی انجمن امامیہ گلگت بلتستان کے صدر ساجد علی بیگ کا الیکشن لڑنے کا اعلان

اسلام ٹائمز۔ مرکزی انجمن امامیہ گلگت بلتستان کے صدر ساجد علی بیگ نے جی بی کے آئندہ انتخابات میں حصہ لینے کا اعلان کر دیا۔ ایک بیان کے مطابق گلگت بلتستان کے آنے والے الیکشن کے حوالے سے فیملی کے یوتھ فورم کی ایک اہم میٹنگ منعقد ہوئی جس میں تمام یوتھ نے آنے والے الیکشن میں بھرپور حصہ لینے پر اتفاق کیا، اس سلسلے میں حلقہ 2 گلگت سے ساجد علی بیگ کو اپنا نمائندہ نامزد کیا گیا۔ اس حوالے سے بہت جلد فیملی کے اکابرین اور بڑوں سے مشورہ کے بعد جدوجہد کا آغاز کیا جائے گا۔ اور تمام ممبران کا اجلاس طلب کر کے اتفاق رایے سے فیصلے کئے جائیں گے۔