اسرائیل کی جانب سے شام پر حملے بند کیے جانے چاہئیں، اقوام متحدہ

اسلام ٹائمز۔ دمشق میں اقوام متحدہ کے خصوصی نمائندے گیئر پیڈرسن نے اسرائیل کی جانب سے شام پر حملوں کو روکنے کی ضرورت پر زور دیتے ہوئے کہا کہ یہ حملے شامی غیر فوجی افراد کی جان کو خطرے میں ڈال رہے ہیں۔ فارس نیوز کے مطابق، پیڈرسن نے کہا کہ شام اس وقت ایک نئے مرحلے میں داخل ہو چکا ہے اور اس کے سامنے سنگین چیلنجز ہیں۔ انہوں نے مزید کہا کہ ایسے مسلح گروہ موجود ہیں جو دمشق کی فوجی کمانڈ سے باہر کام کر رہے ہیں۔

پیڈرسن نے کہا کہ شام میں فوجی کشیدگی میں اضافہ تباہ کن ثابت ہو سکتا ہے، اور بشار اسد کی حکومت کے سقوط کے بعد سے اسرائیل نے شامی فوجی انفراسٹرکچر اور آلات پر 350 سے زائد حملے کیے ہیں۔ اقوام متحدہ کے نمائندے نے تاکید کی کہ اسرائیل کے حملے شامی غیر فوجی افراد کو بڑی خطرات سے دوچار کر رہے ہیں اور سیاسی منتقلی کے مواقع کو تباہ کر رہے ہیں۔

انہوں نے کہا کہ اسرائیل کے حملے شام میں روکا جانا ضروری ہے اور یہ کہ شام کے سیاسی عمل کو صحیح راستے پر برقرار رکھنے کے لیے اس میں تمام طبقوں کی شرکت ضروری ہے، ورنہ شام میں عدم استحکام کا خدشہ ہے۔ پیڈرسن نے کہا کہ موجودہ حالات میں اقوام متحدہ کی قرارداد 2254 کو عملی جامہ پہنانا ممکن نہیں۔ آخر میں انہوں نے کہا کہ شام میں نیا آئین تیار کرنا ضروری ہے اور تمام شامی عوام کے لیے آزاد انتخابات کا انعقاد کیا جانا چاہیے۔