وزیراعلیٰ خیبر پختونخوا کا ڈی چوک مقدمے کیخلاف عدالت سے رجوع

اسلام ٹائمز۔ وزیراعلیٰ کے پی کے علی امین گنڈاپور نے ڈی چوک مقدمے کے خلاف عدالت سے رجوع کرلیا۔ خیبر پختونخوا کے وزیراعلیٰ علی امین گنڈاپور نے حاجی اجمل خان مہمند کے ذریعے ڈی چوک مقدمے کے خلاف اسلام آباد ہائی کورٹ میں درخواست دائر کی ہے، جس میں تھانہ سیکرٹریٹ میں درج مقدمے سے دہشت گردی کی دفعات کی نکالنے کی استدعا  کی گئی ہے۔ علی امین گنڈاپور کی جانب سے دائر کی گئی درخواست میں  مؤقف اختیار کیا گیا ہے کہ احتجاج کے لیے آئینی حق کو استعمال کیا، پولیس نے دہشت گردی کا مقدمہ درج کر لیا۔ 26 نومبر کو اسلام آباد کے تھانہ سیکرٹریٹ میں مقدمہ درج ہوا۔ درخواست میں استدعا کی گئی کہ حتمی فیصلے تک ایف آئی آر یا دہشت گردی کی دفعات کو معطل کیا جائے۔