لندن دھمکی واقعے کو رپورٹ کرانے کا پراسس چل رہا ہے، خواجہ آصف

اسلام ٹائمز۔ وزیر دفاع خواجہ آصف نے کہا ہے کہ لندن میں دھمکی دینے والے واقعے کو رپورٹ کرانے کا پراسس چل رہا ہے۔ لندن میں میڈیا سے گفتگو میں خواجہ آصف نے کہا کہ وہاں کیمرا بھی لگا ہوا تھا، میں دھمکی دینے والے کو نہیں پہچانتا ہوں۔ آج چند روز قبل کی ایک ویڈیو منظر عام پر آئی تھی، جس میں لندن میں خواجہ آصف کو گالیاں اور دھمکیاں دی گئیں۔ برطانوی دارالحکومت میں ایک نامعلوم شخص نے وزیر دفاع کا تعاقب کیا اور انہیں چاقو سے حملے کی دھمکی بھی دی۔ خواجہ آصف کے قریبی ذرائع کے مطابق لندن میں پیش آنے والے واقعے کی تصدیق کی اور ویڈیو کو حقیقی قرار دیا۔