دہشتگردوں کو بہت جلد انکے حقیقی انجام تک پہنچایا جائیگا، سید مراد علی شاہ

اسلام ٹائمز۔ وزیرِاعلیٰ سندھ سید مراد علی شاہ نے کہا ہے کہ پاک فوج کے عزم و حوصلے کو سلام پیش کرتا ہوں، فتنہ الخوارج کے 6 دہشتگردوں کو جہنم واصل کیا گیا۔ اپنے ایک بیان میں سید مراد علی شاہ نے کہا کہ دہشتگردوں کو بہت جلد ان کے حقیقی انجام تک پہنچایا جائے گا، ملک کو دہشتگردی کی لعنت سے پاک کریں گے۔ وزیرِاعلیٰ سندھ نے کہا کہ انشاء اللّٰہ جلد دہشتگردی کا خاتمہ ہوگا اور قوم کو اس ناسور سے نجات ملے گی۔ واضح رہے کہ شمالی وزیرستان کے علاقے اسپن وام میں سیکیورٹی فورسز کے آپریشن میں 6 خوارج ہلاک اور 6 زخمی ہوگئے۔