دیامر میں خواتین کیلئے الگ نادرا آفس قائم کیا جائے، وزیر اعلی کی ہدایت

اسلام ٹائمز۔ وزیر اعلیٰ گلگت بلتستان حاجی گلبر خان نے نادرا بورڈ کے سینئر ممبران سے گفتگو کرتے ہوئے کہا کہ بلتستان اور دیامر استور ریجن میں زونل دفاتر کے قیام کی ضرورت ہے تاکہ دور دراز علاقوں کے عوام کو ان کے متعلقہ ریجن میں نادرا سے متعلق مسائل حل کرنے میں مدد مل سکے۔ دیامر میں خواتین کیلئے الگ نادرا آفس قائم کیا جائے جس میں مکمل خواتین سٹاف کی تعیناتی ہو تاکہ وہاں کی خواتین کو شناختی کارڈ سمیت دیگر نادرا سے متعلق دستاویزات کی تیاری میں مشکلات کا سامنا نہ ہو۔ نادرا کے دفاتر میں اس بات کو یقینی بنایا جائے کہ چھوٹی ملازمتوں میں مقامی افراد کو ترجیح دی جائے۔