حزب اللہ حیفہ کو کریات شمونہ میں تبدیل کرنے کا وعدہ پورا کر رہی ہے، صیہونی میڈیا

اسلام ٹائمز۔ صیہونی حکومت کے ذرائع ابلاغ نے اعتراف کیا ہے کہ حزب اللہ حیفہ کو کریات شمعونہ اور متلا (صیہونی آبادی کے انخلاء اور اسے مفلوج کرنے کے سلسلے میں) میں تبدیل کرنے کے اپنے وعدے کو پورا کر رہی ہے۔ تسنیم نیوز کے مطابق صیہونی حکومت کے ذرائع ابلاغ نے خبر دی ہے کہ حیفہ اور صفد میں سات صیہونی آباد کار حزب اللہ کے میزائلوں کی زد میں آکر زخمی ہوئے ہیں۔ دوسری جانب حزب اللہ نے ایک بیان میں اعلان کیا ہے کہ اس نے مصرہ قصبے میں صیہونی فوجیوں کے اجتماع پر میزائل داغے ہیں۔