اسرائیلی کمانڈر کی زبانی حماس کے سربراہ یحیی السنوار کی شہادت کا واقعہ

اسلام ٹائمز۔ اس بٹالین کے کمانڈر، جس نے یحییٰ السنوار کو شہید کیا، اس نے شہید سنوار کی زندگی کے آخری لمحات کا ایک واقعہ بیان کیا ہے، جس سے ظاہر ہوتا ہے کہ یہ فلسطینی رہنماء آخری لمحے تک لڑائی سے پیچھے نہیں ہٹے۔ فارس نیوز کے مطابق اس بٹالین کے کمانڈر، جس نے شہید یحیی السنوار کو شہید کیا تھا، اس نے اسرائیلی فوجی ریڈیو کو بتایا کہ یحییٰ سنوار نے اپنے دونوں بازو زخمی ہونے کے بعد بھی ہماری فورسز کی طرف کئی دستی بم پھینکے۔

اسرائیلی کمانڈر نے مزید کہا کہ اس جھڑپ میں شہید یحییٰ السنوار اور ان کے ساتھی کی فائرنگ سے ایک اسرائیلی فوجی شدید زخمی ہوا۔ اسرائیلی فوج نے کچھ دیر پہلے کہا تھا کہ ٹینک سے اس عمارت پر گولہ فائر کرنے سے پہلے، جہاں شہید یحییٰ السنوار موجود تھے، اس شہید نے اسرائیلی فوجیوں کی طرف دو دستی بم پھینکے تھے۔ اسرائیلی فوج نے اعتراف کیا کہ یحییٰ السنوار کے قتل کے بعد بھی حماس میں ایسے عناصر موجود ہیں، جو جانتے ہیں کہ معاملات کو کیسے چلانا ہے۔

گذشتہ روز اسرائیلی قابض فوج نے اپنے ایک بیان میں کہا تھا کہ ان کے فوجیوں نے حماس کے سیاسی دفتر کے سربراہ یحیی السنوار کو جنوب غزہ کے علاقے تل السلطان میں فلسطینی مزاحمتی گروہوں کے ساتھ ایک اتفاقی جھڑپ میں شہید کیا، جو پہلے سے منصوبہ بندی شدہ آپریشن نہیں تھا۔ اسرائیلی رژیم کے پچھلے دعووں کے برعکس کہ سنوار نے اسرائیلی قیدیوں کو انسانی ڈھال کے طور پر استعمال کرتے ہیں، اسرائیلی فوجی ریڈیو گلگٹز نے کہا کہ یحییٰ السنوار نے فوجی وردی میں ملبوس ہو کر اسرائیلی فوجیوں کے خلاف فرنٹ لائن پر لڑتے ہوئے شہادت پائی۔