اسرائیلی شہر حیفہ اور تبریاس حزب اللہ کے میزائل حملوں سے لرز اٹھے

اسلام ٹائمز۔ لبنان کی اسلامی مزاحمت حزب اللہ نے اسرائیلی شہریوں حیفہ اور تبریاس پر میزائلوں سے حملہ کیا ہے جس سے کئی زخمی ہو گئے ہیں۔ یہ میزائل حیفہ کےقلب میں گرے جس سے شہر لرز اٹھا۔ اسلامی مزاحمت حزب اللہ نے حیفہ کو فادی 1 میزائل سے نشانہ بنایا ہے۔ صیہونی حکام نے اعتراف کیا کے کہ اس حملے سے بہت زیادہ نقصان ہوا ہے اور یہ جنگ کے آغاز کے بعد سے حزب اللہ کا حیفہ پر پہلا بڑا حملہ ہے۔ ادھر صیہونی حکومت کے ذرائع ابلاغ کے مطابق 2006ء کے بعد سے پہلی بار حزب اللہ کے راکٹ حیفہ کے قلب پر گرے۔ ادھر صہیونی ذرائع ابلاغ نے یہ بھی اطلاع دی ہے کہ حزب اللہ کے میزائل تبریاس پر گرنے کے بعد متعدد صیہونی زخمی ہوئے ہیں۔