جنرل ساحر شمشاد مرزا کا دورہ قطر، نائب وزیراعظم اور وزیر دفاع سے ملاقاتیں

اسلام ٹائمز۔ چیئرمین جوائنٹ چیفس آف سٹاف کمیٹی جنرل ساحر شمشاد مرزا کا دورہ قطر، جنرل ساحر شمشاد مرزا نے قطر کے نائب وزیراعظم اور وزیر دفاع شیخ سعود بن عبدالرحمان سے ملاقات کی۔ پاک فوج کے شعبہ تعلقات عامہ (آئی ایس پی آر) کے مطابق جنرل ساحر شمشاد مرزا نے قطر کی مسلح افواج کے چیف آف سٹاف سے بھی الگ ملاقات کی، ملاقاتوں میں موجودہ علاقائی صورتحال پر تبادلہ خیال کیا گیا، دونوں ممالک کے مابین دوطرفہ تعاون کو فروغ دینے کے عزم کا اظہارکیا گیا۔ آئی ایس پی آر کے مطابق قطر کی مسلح افواج کے ہیڈ کوارٹرز آمد پر جنرل ساحر شمشاد مرزا کو گارڈ آف آنر پیش کیا گیا۔