اسلام ٹائمز۔ سربراہ بی این پی (مینگل) اختر مینگل نے کہا ہے کہ ہمارے سینیٹرز نے استعفے پیش نہیں کیے تو سی ای سی کمیٹی میں فیصلہ کریں گے۔ ایک نجی ٹی وی کے پروگرام میں گفتگو کرتے ہوئے سربراہ بی این پی (مینگل) اختر مینگل کا کہنا تھا کہ لوگوں سے زبردستی ووٹ لیے گئے۔ انہوں نے کہا کہ ہمارے سینیٹرز نے پارٹی فیصلے کی خلاف ورزی کی، اگر کل تک ہمارے سینیٹرز نے استعفے پیش نہیں کیے تو سی ای سی کمیٹی میں فیصلہ کریں گے۔ سربراہ بی این پی کا مزید کہنا تھا کہ آج سینیٹ نہیں سرکس کا اجلاس تھا، ہمارے سینیٹرز کو سکیورٹی پروٹوکول میں لا کرووٹ ڈلوایا گیا۔