تل ابیب میں موساد ہیڈکوارٹر پر حزب اللہ کا بیلسٹک میزائل حملہ

 

اس بیان میں حزب اللہ نے تاکید کرتے ہوئے کہا: آج صبح موساد کے ہیڈکوارٹر پر میزائل حملہ غزہ کی پٹی میں فلسطینی عوام کی حمایت اور ان کی بہادر اور باعزت مزاحمت نیز لبنان اور اس کے عوام کے دفاع میں کیا گیا۔ اس سے پہلے اپنے پہلے بیان میں حزب اللہ لبنان نے اعلان کیا تھا کہ اس نے "الانیہ" بیس کو "فادی-1" میزائلوں کی سیریز سے نشانہ بنایا۔ اسرائیلی حکومت کے ذرائع ابلاغ نے آج بدھ کی صبح مقبوضہ شہر تل ابیب پر اس حکومت کے انتباہی سائرن اور میزائل ڈیفنس کو فعال کرنے کا اعلان کیا۔ 

 

دریں اثنا ایک اسرائیلی چینل کے لائیو شو کے دوران تل ابیب میں سائرن بجنے کی ویڈیو سوشل میڈیا پر وائرل ہو رہی ہے۔ حزب اللہ لبنان کی جانب سے تل ابیب پر بیلسٹک میزائل حملے کے بعد صیہونی ریاست کے دارالحکومت میں مسلسل سائرن بجنے کی آوازیں گونجنے لگیں۔ دوسری جانب لبنان پر صیہونی فوج کی جارحیت کے نتیجے میں اب تک پانچ سو سے زائد شہری شہید ہو چکے ہیں جبکہ سینکڑوں زخمی ہیں۔