سپریم کورٹ، ایک سے زائد حلقوں سے الیکشن لڑنے کیخلاف درخواست خارج

اسلام ٹائمز۔ سپریم کورٹ نے ایک امیدوار کے کئی حلقوں سے الیکشن لڑنے کے خلاف دائر درخواست خارج کر دی۔ رپورٹ کے مطابق امیدوار کے ایک سے زائد حلقوں میں الیکشن لڑنے پر پابندی کے معاملے پر سپریم کورٹ میں سماعت ہوئی۔ وکیل درخواست گزار نے کہا کہ کسی بھی امیدوار کا ایک سے زائد حلقوں سے انتخابات لڑنا آئین و قانون کے برخلاف ہے۔ جسٹس مسرت ہلالی نے کہا کہ ہم قانون ختم تو کر سکتے ہیں نیا نہیں بنا سکتے۔ جسٹس محمد علی مظہر نے کہا کہ اگر آپ الیکشن ایکٹ چیلنج کرتے ہیں تو الگ بات ہے۔