جے یو آئی گلگت بلتستان کا اجلاس، الیکشن کی تیاری کا فیصلہ

اسلام ٹائمز۔ جمعیت علما اسلام گلگت بلتستان کا پہلا تعارفی اجلاس خلفا راشدین مسجد گلگت میں منعقد ہوا۔ اجلاس کی صدارت صوبائی امیر مفتی ولی الرحمان نے کی جبکہ اجلاس کی کارروائی صوبائی جنرل سیکریٹری بشیر احمد قریشی نے چلائی۔ اجلاس میں صوبائی امیر مفتی ولی الرحمان، جنرل سیکریٹری جمعیت علما اسلام گلگت بلتستان بشیر احمد قریشی، نائب امیر قاری عبد الکریم بخاری، نائب امیر میر بہادر، نائب امیر مولانا عبدالہادی، ڈپٹی جنرل سیکریٹری شیر اعظم، ڈپٹی جنرل سیکریٹری محبوب الرحمان ایڈووکیٹ، ڈپٹی جنرل سیکریٹری مولانا محمد انس، سیکرٹری اطلاعات عبد اللہ احمد، سیکرٹری مالیات ٹکا خان، ڈپٹی سیکرٹری مالیات عبد الحمید گجر، ڈیجیٹل میڈیا کوآرڈینیٹر محمد طیب قریشی، ڈپٹی سیکرٹری اطلاعات ابوبکر، صوبائی سالار مولانا دلدار عزیزی، ڈپٹی سالار بہرام خان، ضلع گلگت کے امیر منہاج الدین اور جنرل سیکرٹری حافظ عنایت اللہ نے خصوصی طور پر جبکہ مفتی محمد رفیع اور قاری غلام اللہ قریشی نے اعزازی طور پر شرکت کی۔