گلگت میں دھرنے کا آٹھواں روز

اسلام ٹائمز۔ دسمبر کی شدید سردی میں گلگت میں پاراچنار کے مومنین سے اظہار یکجہتی کیلئے آٹھویں روز بھی دھرنا جاری ہے۔ کیپٹن شہید ضمیر عباس چوک پر دھرنے میں شہریوں کی کثیر تعداد شریک ہو رہی ہے اور حکومت و ریاستی اداروں کی بے حسی کی شدید مذمت کی جا رہی یے۔ گلگت دھرنے کے آٹھویں روز قائد ملت جعفریہ سید راحت حسین الحسینی بھی خصوصی طور پر شریک ہوئے اور خطاب کیا۔دھرنے کے شرکاء سے خطاب کرتے ہوئے مقررین نے کراچی میں جاری دھرنے کیخلاف طاقت کے استعمال کی شدید مذمت کی اور کہا کہ حکومت کچھ بھی کر کے جب تک پاراچنار کے مظلومین کی دادرسی نہیں ہوتی دھرنے جاری رہیں گے۔