الحمدُللہ، پاکستان سٹاک مارکیٹ میں آج نئی تاریخ رقم ہوئی، مریم نواز

اسلام ٹائمز۔ وزیراعلیٰ پنجاب مریم نواز شریف نے کہا ہے کہ سٹاک مارکیٹ کا لاکھ پوائنٹ عبور کرنا عالمی سطح پر پاکستان کی معیشت پر بڑھتے ہوئے اعتماد کا واضح ثبوت ہے۔ ایک پیغام میں وزیر اعلیٰ مریم نواز شریف نے پاکستان سٹاک مارکیٹ کے ایک لاکھ پوائنٹس کی تاریخی حد عبور کرنے پر تشکر کا اظہار کرتے ہوئے کہا کہ پاکستان سٹاک ایکسچینج دنیا کی بیسٹ پرفارمنگ ایکوئٹی مارکیٹ کا درجہ حاصل کر چکی ہے، الحمدُللہ ، پاکستان سٹاک مارکیٹ میں آج نئی تاریخ رقم ہوئی۔