پنجاب یونیورسٹی میں طلبہ کا غزہ مارچ

اسلام ٹائمز۔ اسلامی جمیعت طلبہ پنجاب یونیورسٹی کی طرف سے پنجاب یونیورسٹی میں غزہ مارچ کا اہتمام کیا گیا، مارچ میں پلے کارڈز اور جھنڈے تھامے ہزاروں طلبہ و طالبات نے شرکت کی، جو اسلامک سنٹر سے براستہ ہیلے کالج، لا کالج، کیمیکل ڈیپارٹمنٹ سے ہوتا ہوا فیصل آڈیٹوریم پر اختتام پذیر ہوا۔ اختتامی جگہ پر اسلامی جمیعت طلبہ کی جانب سے پچھلے چند دنوں سے خیمہ بستیاں قائم کی گئی ہیں اور اس کے ساتھ ہی دیواروں پر فلسطین کے ساتھ اظہار یکجہتی کیلئے مختلف پینٹنگ بھی کی گئی۔