گورنر ہاؤس سندھ میں 100 اونٹوں کی قربانی

متعلقہ فائیلیںگورنر ہاؤس سندھ میں 100 اونٹوں کی قربانی کا سلسلہ شروع ہوگیا۔ تفصیلات کے مطابق کراچی میں گورنر ہاؤس میں سو اونٹوں کی قربانی کا سلسلہ شروع ہوگیا، گورنر سندھ کامران خان ٹیسوری نے اپنے سامنے اونٹ نحر کرائے۔ متحدہ قومی موومنٹ کے کنوینیر ڈاکٹر خالد مقبول صدیقی، متحدہ عرب امارات کے قونصل جنرل بخیط عتیق الرومیتھی بھی اس موقع پر موجود تھے، آج عید کے پہلے دن 50 اونٹ نحر کئے گئے۔ کامران ٹیسوری نے عوام کو عید کی مبارک باد دیتے ہوئے کہا کہ قربانی کا گوشت سفید پوش اور مستحق افراد میں تقسیم کیا جائے گا، ہم گوشت غربا میں تقسیم کر رہے ہیں۔ ان کا کہنا تھا کہ سفید پوش اور مستحق افراد میں راشن اور گوشت کی تقسیم کا کام آج سے شروع کردیا گیا ہے، انھوں نے مزید کہا کہ میں عید الاضحیٰ کی خوشیوں میں مستحق افراد کو شامل کرنا چاہتا ہوں۔