سعودی عرب اور پاکستان کے درمیان قرآن پاک کی اشاعت اور ترجمے کا معاہدہ ہو گیا

اسلام ٹائمز۔ سعودی وزارت اسلامی امور اور پاکستانی وزارت مذہبی امور کے درمیان  قرآن پاک کی اشاعت و ترجمے سے متعلق معاہدہ طے پا گیا۔ ذرائع کی جانب سے بتایا گیا ہے کہ سعودی وزارت اسلامی امور اور پاکستان کی وزارت مذہبی امور کے درمیان قرآن پاک کی اشاعت، ترجمے اور دیگر امور  پر تعاون کیلئے مفاہمت کی یادداشت پر دستخط کر دیئے گئے ہیں۔ سعودی وزارت اسلامی امور کے سوشل میڈیا پلیٹ فارم ایکس (ٹوئٹر) پر جاری بیان کے مطابق اس موقع پر سعودی  وزیر  اسلامی امور ڈاکٹر عبداللطیف بن عبدالعزیزآل شیخ بھی موجود تھے۔ معاہدے کے تحت دونوں ممالک مبلغین، اماموں کی تربیت اور مساجد کی تعمیر میں ایک دوسرے سے تعاون کریں گے۔