کراچی میں ایام فاطمیہ کا عظیم الشان جلوس، ہزاروں عزادار شریک

متعلقہ فائیلیںاسلام ٹائمز۔ کراچی کے نشتر پارک میں خادمین اباعبداللہ و اباالفضل علیہ السلام کی جانب سے مرکزی خمسہ مجالس عزا ایام فاطمیہؑ کا انعقاد کیا گیا۔خمسہ مجالس عزا سے بین الاقوامی شہرت یافتہ خطیب اہلبیتؑ علامہ سید علی رضا رضوی (لندن) نے خطاب کیا۔ اس موقع پر عزاداروں کی بڑی تعداد نے مجالس عزا میں شرکت کی۔ مجالس عزا میں معروف نوحہ و منقبت خواں میر حسن میر، عرفان حیدر، مختار فتح پوری سمیت دیگر نے عزائے فاطمیہ کی یاد کو تازہ کرتے ہوئے نوحہ خوانی کی۔ خمسہ مجالس عزا کے آخری روز نشتر پارک سے نمائش چورنگی تک عظیم الشان جلوس نکالا گیا، اس موقع پر عزاداروں کی بہت بڑی تعداد ہاتھوں میں شمع اٹھائے حضرت زہرا (ع) سے تجدید عہد کررہی تھی۔ جلوس میں ننھے بچے بھی بڑی تعداد میں شریک تھے۔ اس مناسبت سے نمائش چورنگی پر حضرت زہرا (ع) کے گھر کے دروازے کی شبیہ اور جنت البقیع میں مدفون آئمہ اطہارؑ کی قبور کی بھی شبیہ بنائی گئی تھیں۔ یاد رہے کہ کراچی سمیت پاکستان بھر میں 13 جمادی الاول تا 3 جمادی الثانی تک مسلسل 20 روز ایام شہادت خاتون جنت حضرت فاطمہ زہرا سلام اللہ علیہا کی مناسبت سے عزاداری اور مجالس و جلوس عزا کا سلسلہ جاری رہتا ہے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial