آئی جی پنجاب کا دورہ جامعہ نعیمیہ

اسلام ٹائمز۔ آئی جی ڈاکٹر عثمان انور نے جامعہ نعیمیہ گڑھی شاہو لاہور کا دورہ کیا۔ آئی جی نے جامعہ کے اساتذہ کرام اور زیر تعلیم طلبا سے ملاقات کی۔ آئی جی پنجاب ڈاکٹر عثمان انور نے مولانا ڈاکٹر سرفراز حسین نعیمی کی قبر پر حاضری دی اور فاتحہ خوانی کی۔ آئی جی پنجاب ڈاکٹر عثمان انور کے دورہ کے موقع پر مفتی محمد عمران حنفی، انچارج دارالافتاء، مفتی محمد مدنی، مفتی محمد عارف سمیت دیگر مدرس بھی موجود تھے۔ آئی جی پنجاب ڈاکٹر عثمان انور نے انچارج جامعہ نعیمیہ مفتی عمران سے جامعہ میں فراہم کی جانیوالی تعلیمی سہولیات بارے آگاہی حاصل کی۔ آئی جی پنجاب  ڈاکٹر عثمان انور  نے جامعہ میں زیر تعلیم طلبا سے اقلیتی شہریوں کے حقوق بارے بھی گفتگو کی۔ اقلیتی شہریوں کی جان و مال اور حقوق کے تحفظ کا معاملہ پاکستان کے تمام دینی مدراس کی تعلیمات کا بنیادی جزو ہے۔