فلسطین کے حق میں عالمگیر مظاہرے

اسلام ٹائمز۔ غزہ پٹی پر اسرائیلی فوج کی پھیلتی ہوئی بدترین جارحیت کے خلاف دنیا کے مختلف ممالک میں فلسطین کے حق میں مظاہرے کیے گئے اور جنگ بندی کا مطالبہ کیا۔ لندن میں مظاہرین نے فوری جنگ بندی کا مطالبہ کیا، لندن میں مسلسل تیسرے ہفتے فلسطینیوں کے حق میں مظاہرے ہو رہے ہیں جہاں لوگوں کی بڑی تعداد شریک ہوتی ہے۔ نیوزی لینڈ کے دارالحکومت ویلنگٹن میں بھی لوگوں کی بڑی تعداد جمع ہوئی اور فلسطینیوں کے ساتھ اظہار یک جہتی کیا، مظاہرین نے پارلیمنٹ تک مارچ کیا، جنہوں نے پلے کارڈ اٹھا رکھے تھے، جن میں درج تھا کہ فلسطین کو آزاد کرو اور ہاتھوں میں فلسطینی پرچم لیے ہوئے تھے۔