کراچی، ابن زہرا (س) انسٹیٹیوٹ کے زیر اہتمام سالانہ کتب میلہ، ویڈیو رپورٹ

متعلقہ فائیلیںرپورٹ: سید ظفر جعفری

ابن زہرا (س) انسٹیٹیوٹ کراچی کے زیر اہتمام 23واں سالانہ کتب میلہ بعنوان ’خدا اور میں‘ شہید حمید علی بھوجانی ہال سولجر بازار میں لگایا گیا۔ کتب میلے میں دس سے بارہ امامیہ پبلیشرز کی قرآن مجید، احادیث، نہج البلاغہ سمیت مختلف اسلامی موضوعات کی کتب ایک ہی جگہ پر 10 تا 50 فیصد رعایت کے ساتھ مناسب قیمت پر دستیاب رہیں، کتب میلے میں خانہ فرہنگ جمہوری اسلامی ایران کراچی، دارالثقلین، شہید مطہری فورم، طاہراز، محفوظ بک ایجنسی، اسلامی مرکز، شہید فاؤنڈیشن پاکستان، ادارہ تنزیل القرآن، الہادی قرآنک انسٹیٹیوٹ، موسسہ ولی العصر، افتا ویلفیئر ٹرسٹ و دیگر پبلشرز و اسٹال ہولڈرز نے شرکت کی۔ دو روزہ کتب میلے میں طلباء و طالبات اور خواتین و حضرات نے کثیر تعداد میں شرکت کی اور رعائتی قیمت پر دستیاب کتابیں خریدیں۔ کتب میلے کے دوران بچوں کیلئے کلرنگ، پینٹنگ، آرٹ اینڈ کرافٹ و دیگر دلچسپ سرگرمیوں کا اہتمام کیا گیا، اس کیلئے کڈز کارنر کے نام سے جگہ مختص کی گئی تھی۔ کتب میلے میں قرأت کارنر اور سماجی مسائل کے حل سے متعلق ایکسپرٹ کارنر کا بھی اہتمام کیا گیا تھا۔ کتب میلے کے دوران خطاطی سے متعلق بھی خصوصی اسٹال لگایا گیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial