کراچی میں یوم علیؑ اور یوم القدس کے سکیورٹی انتظامات کیلئے اجلاس، شیعہ رہنماؤں کی شرکت

متعلقہ فائیلیںاسلام ٹائمز۔ ایڈیشنل آئی جی پولیس کراچی جاوید عالم اوڈھو کی زیر صدارت یوم شہادت امام علی علیہ السلام کے جلوسوں اور مجالس اور یوم القدس کے سکیورٹی انتظامات کا جائزہ لینے کیلئے کراچی پولیس آفس میں اہم اجلاس منعقد ہوا جس میں مجلس وحدت مسلمین کراچی ڈویژن کے صدر علامہ صادق جعفری، جعفریہ الائنس کے علاہ باقر زیدی، ضمیر الحسن ٹرسٹ کے ڈاکٹر علی واصف اور سہیل مرزا، مرکزی تنظیم عزا کے شمس الحسن شمسی، شیعہ علماء کونسل کے علامہ کامران حیدر عابدی، علامہ فرقان حیدر عابدی اور بوتراب اسکاؤٹس کے مہدی عباس سمیت دیگر شیعہ علماء و ذاکرین، بانیان جلوس اور اسکاؤٹ لیڈرز نے شرکت کی۔ اجلاس میں یوم علیؑ/یوم القدس کی سیکیورٹی اور دیگر امور کا تفصیلی جائزہ لیا گیا۔ اجلاس میں زونل ڈی آئی جیز، ڈی آئی جی ٹریفک، ضلعی ایس ایس پیز و دیگر سینئر افسران بھی شریک تھے۔

علماء اور منتظمین جلوس و دیگر عہدیداروں نے ماضی کے انتظامات و پولیس کے تعاون کو سراہا یوم علیؑ/یوم القدس کے موقع پر جلوس کی سیکیورٹی  انتظامات سمیت دیگر مسائل سے کراچی پولیس چیف کو آگاہ کیا۔ ایڈیشنل آئی جی کراچی نے موقع پر موجود افسران کو ہدایات جاری کیں کہ سول انتظامیہ کے متعلقہ افسران کے باہمی تعاون سے مسائل حل کریں۔ ایڈیشنل آئی جی کراچی نے پولیس افسران پر مشتمل کمیٹی تشکیل دینے کی ہدایات کی جو علماء و منتظمین کو جلوسوں سے متعلق درپیش مسائل کے حل کیلئے انتظامیہ کو آگاہ کریں گے۔ کراچی پولیس چیف نے شرکاء کا شکریہ ادا کیا اور مکمل تعاون کا بھرپور یقین دلایا۔ اجلاس کے اختتام پر تمام شرکاء نے ملک میں امن و امان، ترقی کے پی او میں مقابلے کے دوران پولیس شہداء کیلئے دعائے مغفرت کی پولیس کی بہادری کو سراہا۔ پاکستان کی تعمیر و ترقی استحکام سالمیت کے لئے خصوصی دعاکی گئی۔