غزہ، ایک اور فلسطینی اسکول پر اسرائیلی بمباری

اسلام ٹائمز۔ مقامی میڈیا نے اطلاع دی ہے کہ غاصب و سفاک صیہونی رژیم نے آج دوپہر الشاطی کیمپ کے مغرب میں واقع کفر قاسم نامی ایک اور فلسطینی اسکول پر بمباری کی ہے جس کے نتیجے میں کم از کم 7 فلسطینی شہری شہید اور دسیوں زخمی ہوئے ہیں۔ رپورٹ کے مطابق اس اسکول میں درجنوں بے گھر فلسطینی خاندان رہائش پذیر تھے جبکہ حملے کے بعد ریسکیو فورسز شہداء و زخمیوں کو اسپتال منتقل کرنے کی کوشش میں ہیں۔ فلسطینی میڈیا کا کہنا ہے کہ اس حملے میں زخمی و شہید ہونے والوں کی تاحال حتمی تعداد کا تعین نہیں ہو سکتا۔
اس حوالے سے فلسطینی ای مجلے شہاب نے بھی اعلان کیا ہے کہ غزہ میں عوامی بہبود و ہاؤسنگ کی وزارت کے ڈائریکٹر جنرل ماجد صالح بھی اس حملے میں شہید ہوئے ہیں۔