کراچی، شہید حسن نصراللہ کی یاد میں شب دعا، مجلس ترحیم اور چراغاں

اسلام ٹائمز۔ مجلس وحدت مسلمین کراچی ڈویژن و وحدت یوتھ پاکستان کراچی ڈویژن سرجانی ٹاؤن کی جانب سے امام بارگاہ امیرالمومنینٔ سرجانی ٹاؤن سیکٹر 5 ڈی میں بیاد شہید سید حسن نصر اللہ شب دعا و مجلس ترحیم کا انعقاد کیا گیا جس میں مجلس سے خطاب حجت السلام و المسلمین مولانا حیات عباس نجفی نے کیا، سلام علی مہدی نقوی جبکہ دعائے کمیل ڈاکٹر نجم الحسن نے تلاوت کی۔ دوران دعا محسن علی نے استغاثہ امام زمانہ پیش کیا۔ بعد از دعا مشہور معروف نوحہ خواں شاہد علی شاہد بلتستانی نے نوحہ پیش کیا۔ بعد مجلس مومنین کی بڑی تعداد نے شہداء کی تصویروں کے سامنے شمع روشن کئے گئے۔ شب دعا و مجلس ترحیم میں مومنین سمیت مجلس وحدت مسلمین کراچی کے رہنما زین رضوی، ڈسٹرکٹ سینٹرل کے صدر مولانا ملک غلام عباس، ڈسٹرکٹ سینٹرل کے جنرل سیکرٹری مظہر جعفری، کراچی ڈویژن کے رہنما عسکری رضوی، نیو کراچی یونٹ کے صدر سجاد رضوی سمیت مومنین نے شرکت کی۔