مرکزی صدر آئی ایس او کا دورہ فیصل آباد ڈویژن

اسلام ٹائمز۔ امامیہ اسٹوڈنٹس آرگنائزیشن پاکستان کے مرکزی صدر زاہد مہدی نے آئی ایس او فیصل آباد ڈویژن کے مختلف یونٹس کا دورہ کیا۔ محرم الحرام کی مناسبت سے فیصل آباد ڈویژن کے دورہ کے موقع پر مرکزی صدر زاہد مہدی نے ابرار شہید یونٹ ٹوبہ ٹیک سنگھ میں علمائے کرام، تنظیمی کارکنوں، اسکاوٹس اور سابقین سے ملاقات کی۔ علاوہ ازایں مرکزی صدر نے آئی ایس او فیصل ڈویژن کے یونٹ جھنگ کے دورہ کے موقع پر جامعہ حسینیہ جھنگ میں مجلس عزا سے خطاب کیا۔ اس دوران انہوں جھنگ میں محرم الحرام کے دوران مجالس اور جلوس ہائے عزا کی سیکورٹی پر مامور رضاکاروں سے بھی ملاقات کی اور تنظیمی کارکنوں سے خطاب کیا۔