اپرکرم میں فائرنگ سے زخمی اسسٹنٹ کمشنر کو سی ایم ایچ منتقل کر دیا گیا

اسلام ٹائمز۔ اپر کرم کے علاقہ بوشہرہ میں فائرنگ سے زخمی ہونے والے اسسٹنٹ کمشنر ریونیو کو پشاور منتقل کر دیا گیا۔ ذرائع کے مطابق اسسٹنٹ کمشنر سعید منان کو مزید علاج کے لئے ہیلی کاپٹر کے ذریعے سی ایم ایچ میں منتقل کیا گیا ہے۔ واضح رہے کہ اپر کرم بوشہرہ میں مخالف قبائل کے درمیان فائرنگ کا تبادلہ ہوا، لڑائی میں بھاری ہتھیاروں کا استعمال کیا گیا۔ ذرائع پولیس کے مطابق فائرنگ کی زد میں آکر اسسٹنٹ کمشنر سعید منان زخمی ہو گئے جنہیں بوشہرہ ہسپتال منتقل کیا گیا تھا۔ واقعے کے بعد پولیس کی بھاری نفری نے ملزمان کی تلاش کے لیے علاقے میں سرچ آپریشن شروع کر دیا ہے۔