لاڑکانہ اور ڈیرہ اللہ یار میں عزم انقلاب ایمپلائز کنونشن

اسلام ٹائمز۔ مجلس وحدت مسلمین بلوچستان ایمپلائز ونگ کے تحت ڈیرہ اللہ یار ڈویژن نصیر آباد صوبہ بلوچستان میں ڈویژنل عزم انقلاب ایمپلائز کنونشن جس میں ایمپلاِئز ونگ کے مرکزی سیکرٹری ملک اقرار حسین، مجلس وحدت مسلمین کے مرکزی ترجمان علامہ مقصود علی ڈومکی، مرکزی ڈپٹی سیکرٹری ایمپلائز ونگ منور جعفری، صوبائی سیکرٹری جنرل علامہ برکت مطہری اور صوبائی ڈپٹی سیکرٹری جنرل مولانا ظفر شمسی نے خصوصی شرکت کی۔ اس کے علاوہ نصیر آباد، سبی اور جعفر آباد سے 100 سے زائد ایمپلائز نے شرکت کی۔ کنونشن میں اضلاع کے ایمپلائز فورم کی تشکیل اور اعلان کیا گیا۔ قبل ازیں لاڑکانہ میں بھی کنونشن کا انعقاد کیا گیا، جس میں ضلع لاڑکانہ، کشمور، جیکب آباد، قمبر شہدادکوٹ اور شکارپور کے مختلف شعبہ ہائے زندگی سے تعلق رکھنے والے 150 سے زائد ایمپلائز نے شرکت کی۔