"شہید ھنیہؒ تربیتِ معلم کارگاہ"

اسلام ٹائمز۔ مجمع المدارس تعلیم الکتاب و الحکمۃ کے زیر نگرانی 13 روزہ "شہید ھنیہؒ تربیت معلم کارگاہ" کا اہتمام کیا گیا جس کا انعقاد جامعہ عروۃ الوثقیٰ کے ٹیکنیکل کالج ہنرستانِ رشد میں کیا گیا۔ ورکشاپ میں مجمع المدارس سے ملحقہ مراکز کے سینکڑوں اساتذہ اور  مدیران نے شرکت کی، جبکہ تربیتی عمل کو مفید بنانے کیلئے مدارس اور سکول کے اساتذہ کیلئے الگ الگ دروس اور تربیت معلمین کا اہتمام کیا گیا۔ تدریسی فرائض  کی انجام دہی کیلئے اندرون و بیرون ملک سے ایسے ٹیچر ٹرینرز کا انتخاب کیا گیا جو فنِ معلمی  میں نمایاں عملی مہارت  رکھتے تھے۔