واصف علی واصف کے عرس سے سید جواد کا خطاب

اسلام ٹائمز۔ معروف صوفی شاعر اور مصنف واصف علی واصفؒ مرحوم کی شخصیت اور تعلیمات کے حوالے سے اسلام آباد میں منعقد ہونیوالے 32 ویں سالانہ عرس کے موقع پر علامہ سید جواد نقوی نے کہا ہے کہ ہمارا معاشرہ فرقہ واریت کی بیماری میں مبتلا ہے، جبکہ حضرت واصف کے شاگرد ان کی دوا اور دعا سے شفایاب ہو چکے ہیں، اللہ تعالی ہم سب کو ان کے افکار سمجھنے کی توفیق عطا فرمائے۔ سیمینار سے مقررین نے خطاب کرتے ہوئے کہا کہ واصف علی واصف کی تحریریں طالبان حق کیلئے رہنما ہیں، ہماری قومی سماجی اور اجتماعی زندگی میں ان تحریروں کی اشد ضرورت ہے۔ سیمینار میں زندگی کے ہر شعبہ سے تعلق رکھنے والے افراد کی کثیر تعداد نے شرکت کی۔