کابینہ میں اضافہ، سندھ حکومت کے مزید 8 معاونین خصوصی اور 12 ترجمان مقرر

اسلام ٹائمز۔ سندھ کابینہ میں اضافہ کر دیا گیا، سندھ حکومت نے مزید آٹھ معاونین خصوصی اور بارہ ترجمان مقرر کر دیئے۔ تفصیلات کے مطابق ایم کیو ایم سے پیپلز پارٹی میں شامل ہونے والوں پر سندھ حکومت مہربان ہوگئی، کوئی ترجمان بن گیا تو کوئی معاون خصوصی، وزیراعلیٰ سندھ مراد علی شاہ نے حکومتِ سندھ کے مزید آٹھ ترجمان اور 12 معاون خصوصی مقرر کر دیئے۔ ان میں نادر نبیل گبول، سکھ دیو، بلند خان جونیجو، سمیتہ افضل، سیدہ تحسین عابدی، ہیرسوھو، سیدہ اقربہ فاطمہ اور مصطفیٰ عبداللہ بلوچ کو سندھ حکومت کا ترجمان مقرر کر دیا گیا ہے۔ پیر سید افضل شاہ، لیاقت آسکانی، تنزیلہ امہ حبیبہ، امیر حمزہ رئیس، محمد رضا ہارون، خیر محمد شیخ، کلثوم چانڈیو، امان اللہ محسود، محمد علی راشد، محمد علی بھٹو، حسین اسلم اور ویرجی کولہی کو معاون خصوصی مقرر کیا گیا۔