گلگت، یوم آزادی کی تقریب

 

اس موقع پر یادگارِ شہداء پر پھول رکھے گئے، جی بی پولیس کے چاق و چوبند دستے نے سلامی دی۔ گورنر گلگت بلتستان سید مہدی شاہ نے تقریب سے خطاب کرتے ہوئے کہا کہ ہمارے آباؤ اجداد نے عظیم قربانیاں دے کر اس خطے کو ڈوگرہ راج سے آزاد کروایا تھا۔انہوں نے یہ بھی کہا کہ شہداء کی قربانیوں کو سلام پیش کرتے ہیں، ہم ملک کی حفاظت کے لیے کسی قسم کی قربانی سے دریغ نہیں کریں گے۔ آرمی ہیلی پیڈ میں بھی یوم آزادی کی خصوصی تقریب منعقد کی گئی، جہاں اعلیٰ سول و عسکری حکام نے شرکت کی۔ 

 

یاد رہے کہ یکم نومبر 1947ء کو گلگت بلتستان نے ڈوگرا راج سے آزادی حاصل کی، اور اس جدوجہد کا مقصد پاکستان کے ساتھ الحاق تھا۔ گلگت اسکاؤٹس اور مقامی جانبازوں نے مہاراجہ کے خلاف بغاوت کرتے ہوئے کنٹرول کا خاتمہ کیا، جس کے نتیجے میں پہلی بار پاکستانی پرچم لہرایا گیا۔