سکردو، یوم طوفان الاقصیٰ جلسہ

اسلام ٹائمز۔ فلسطین کی تحریک حماس کے صیہونی ریاست کیخلاف طوفان الاقصیٰ آپریشن کو ایک سال مکمل ہونے پر سکردو میں تحریک بیداری امت مصطفی کے زیر اہتمام عالمی یوم طوفان الاقصیٰ ریلی نکالی گئی اور جلسہ کیا گیا۔ سکردو میں علمدار چوک سے ریلی نکالی گئی جو شہر کے مختلف راستوں سے ہوتی ہوئی یادگار شہداء پہنچی۔ ریلی میں عوام کی بڑی تعداد شریک ہوئی، شرکاء نے ہاتھوں میں فلسطین کے پرچم، شہید حسن نصر اللہ، شہید اسماعیل ہانیہ، حماس کے سربراہ یحیی سنوار کی تصاویر بھی اٹھا رکھی تھی۔ ریلی کے شرکاء اس موقع پر حماس، حزب اللہ اور اسلامی مقاومتی تحریکوں نے حق میں جبکہ امریکہ اور اسرائیل کے خلاف زور دار نعرے بھی لگاتے رہے۔