مرقد شہید قاسم سلیمانی کرمان میں برسی کا اجتماع

اسلام ٹائمز۔ مالک اشتر زمان، سپاہ قدس کے کمانڈر شہید قاسم سلیمانی کی برسی کے سلسلے میں شہید کی مرقد گلزارئے شہدا کرمان میں عظیم الشان اجتماع منعقد ہوا۔ شہید کی برسی کے موقع پر گلزارئے شہدا کو شہید کی تصاویر، بورڈز، اور بینرز سے سجایا گیا تھا۔ شہید کی برسی کے اجتماع میں ایران کے مختلف شہروں سے ہزاروں کی تعداد میں نوجواںوں، خواتین، بچوں اور بزرگوں نے شرکت کی۔ اسی طرح مختلف علاقوں سے آنے والی انجمنوں اور مقامی تنظیموں کیطرف سے موکب لگائے گئے تھے، مواکب میں رہائش، طعام، پانی، چائے، دودھ کی سبیلیں بھی لگائی گئی تھیں۔ شہید کے چاہنے والوں نے شہید کے مرقد پر حاضر ی دی، فاتحہ خوانی کی اور شہید سے تجدید عہد کیا۔