غزہ میں شہداء کی تعداد میں اضافہ

اسلام ٹائمز۔ غزہ کی وزارت صحت نے اطلاع دی ہے کہ اسرائیلی فوج نے حالیہ گھنٹوں میں مزید درجنوں فلسطینیوں کو شہید کر دیا ہے اور بڑی تعداد میں افراد کو زخمی کیا ہے۔ فارس نیوز کے مطابق وزارت صحت غزہ نے آج دوپہر (ہفتہ) بتایا کہ اسرائیلی فوج نے گزشتہ 48 گھنٹوں کے دوران غزہ کی پٹی میں چار بڑے حملے کیے ہیں۔ رپورٹ کے مطابق، گزشتہ دو دنوں میں 64 شہداء اور 155 زخمیوں کو غزہ کے اسپتالوں میں منتقل کیا گیا ہے۔ وزارت صحت نے مزید کہا کہ بہت سے فلسطینی شہداء ابھی بھی ملبے تلے دبے ہوئے ہیں اور امدادی ٹیمیں ان تک رسائی حاصل نہیں کر پا رہی ہیں۔

بیان کے مطابق، فلسطینی شہداء کی مجموعی تعداد 41,182 تک پہنچ چکی ہے اور زخمیوں کی تعداد 95,280 ہو گئی ہے۔ اسرائیلی حملے غزہ کی پٹی پر گزشتہ 11 ماہ سے جاری ہیں اور اسرائیلی فوج نے اس علاقے کے متعدد اہم ادارے، بشمول صحت کے مراکز، تباہ کر دیے ہیں۔ غزہ کی پٹی اسرائیلی فوج کی محاصرے میں ہے اور اسرائیل صرف محدود انسانی امداد کو اس علاقے میں داخل ہونے کی اجازت دیتا ہے۔