اسلام آباد میں یوم علی اصغر

اسلام ٹائمز۔ دنیا بھر کے دیگر ممالک کی طرح پاکستان میں بھی یوم حضرت علی اصغر علیہ السلام بھرپور عقیدت و احترام کے ساتھ منایا گیا، اسلام آباد کی امام بارگاہ الصادق ٹرسٹ میں یوم علی اصغر کی مناسبت سے ایک عظیم الشان پروگرام کا اہتمام کیا گیا جس میں بڑی تعداد میں ماوں نے اپنے شیرخوار بچوں کو سبز رنگ کے لباس اور ماتھے پر حضرت صاحب الزمان کی پٹی باندھ کر شرکت کرائی۔ اس موقع پر رقت آمیز مناظر بھی دیکھے گئے، ماوں نے اس عزم کا اعادہ کیا کہ اگر دین مبین پر وقت آیا تو وہ اپنے بچے بھی اس عظیم مقصد کی خاطر قربان کرنے سے دریغ نہیں کریں گی۔