کراچی میں مرکز فلسطین کیمپ عوام کا توجہ کا مرکز

متعلقہ فائیلیںرپورٹ: ایس ایم عابدی

فلسطین فاؤنڈیشن پاکستان کے زیر اہتمام قائم کردہ ”مرکز فلسطین کیمپ“ پر تیسرے روز بھی سرگرمیاں جاری رہیں۔ مرکز فلسطین کیمپ پر تیسرے روز جمعہ کو عوام الناس کے جم غفیر نے کیمپ کا دورہ کیا اور تصویری نمائش کا مشاہدہ کرنے کے ساتھ ساتھ دستخطی مہم میں اپنے خیالات کا اظہار کیا۔ مرکز فلسطین کیمپ پر فلسطین کی حالیہ اور تازہ ترین صورتحال سے متعلق نیوز بلیٹن اور تجزیات و تبصروں کا سلسلہ بھی جاری رہا۔ مرکز فلسطین کیمپ پر تیسرے روز محفل مشاعرہ بعنوان ”سلام مزاحمت فلسطین“ کا انعقاد کیا گیا جس کی صدارت معروف شاعر فراست رضوی نے کی جبکہ شعرائے کرام نے اپنے مخصوص کلام پیش کئے۔ مشاعرہ میں خانہ فرہنگ ایران کے ڈائریکٹر سعید طالبی نیا سمیت شہر بھر سے خواتین اور مردوں کی بڑی تعداد شریک ہوئی۔ مرکز فلسطین کیمپ پر فلسطینی عوام کی امداد کے لئے عطیاتی مرکز بھی قائم کیا گیا ہے جہاں شہریوں نے بڑھ چڑھ کر اپنے عطیات جمع کروائے۔ مرکز فلسطین کیمپ میں علامہ حسن ظفر نقوی، علامہ ناظر عباس تقوی، علامہ صادق جعفری، علامہ مبشر حسن سمیت دیگر علمائے کرام نے بھی شرکت کی۔ مرکز فلسطین کیمپ پر آرٹس کی دنیا سے تعلق رکھنے والے فنان اصغر علی نے خصوصی طور پر شرکت کی اور فلسطینی مزاحمت پر مبنی برا ہ راست تصویریں بنائیں جن میں بچوں اور نوجوانوں نے رنگ بھر کر مکمل کیا۔ واضح رہے کہ فلسطین فاؤنڈیشن پاکستان نے پانچ روز مرکز فلسطین کیمپ کا آغاز 8 نومبر سے کیا تھا جو اتوار 12 نومبر تک جاری ہے۔ اس کیمپ پر تھیٹر سمیت اتوار کو فلسطین کی جہادی تنظیم کے رہنما احسان عطایا بھی خطاب کریں گے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial