این ای ڈی یونیورسٹی کی فضاء اسرائیل مردہ باد و آزاد فلسطین کے نعروں سے گونج اٹھی، ویڈیو رپورٹ

متعلقہ فائیلیںرپورٹ: سید ظفر جعفری

شہر قائد کی معروف انجینئرنگ درسگاہ جامعہ این ای ڈی میں فلسطینی عوام سے اظہارِ یکجہتی کیلئے اور اسرائیلی جارحیت کے خلاف احتجاجی ریلی کا انعقاد کیا گیا۔ ریلی کا انعقاد این ای ڈی یونیورسٹی، ہائر ایجوکیشن کمیشن (ایچ ای سی سندھ)، فلسطین فاؤنڈیشن اور شعبہ اسٹوڈنٹ افئیر کی پیس سوسائٹی کے تحت کیا گیا۔ مظلوم فلسطینیوں سے اظہارِ یکجہتی کیلئے طلباء نے فلسطین کے حق میں پلے کارڈز و بینرز تھام رکھے تھے۔ ریلی میں شریک اساتذہ اور طلباء و طالبات نے وزٹرز گیٹ سے ایڈمن بلاک تک مارچ کیا۔ یکجہتی فلسطین ریلی کے دوران جامعہ این ای ڈی کی فضاء اسرائیل مردہ باد اور آزاد فلسطین کے نعروں سے گونج اٹھی۔ یکجہتی فلسطین ریلی میں این ای ڈی یونیورسٹی کے وائس چانسلر پروفیسر ڈاکٹر سروش حشمت لودھی، فلسطین فاؤنڈیشن کے سیکرٹری جنرل ڈاکٹر صابر ابو مریم، کراچی یونین آف جرنلسٹ کے صدر فہیم صدیقی، ریجنل ڈائریکٹر ایچ ای سی جاوید علی میمن، معروف صحافی خاور حسین، سوشل ایکٹوسٹ نازیہ علی و دیگر نے شرکت کی اور خطاب کیا۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial