کراچی میں فلسطین فاؤنڈیشن کا عظیم الشان دفاع فلسطین خواتین مارچ، ویڈیو رپورٹ

متعلقہ فائیلیںرپورٹ: سید ظفر جعفری

غزہ پر اسرائیلی بربریت و جارحیت کے خلاف اور حماس سمیت مظلوم فلسطینیوں سے اظہار یکجہتی کیلئے پاکستان بھر میں عوامی مظاہروں کا سلسلہ جاری ہے۔کراچی میں بھی خواتین و بچے فلسینیوں سے اظہار یکجہتی کیلئے گھروں سے باہر نکل آئے۔ فلسطین فاؤنڈیشن ہاکستان کے زیر اہتمام ایم اے جناح روڈ پر نمائش چورنگی سے سی بریز سینٹر تک دفاع فلسطین خواتیں و اطفال ریلی نکالی گئی، جس میں کثیر تعداد میں خواتیں و بچوں نے شرکت کی۔ ریلی میں کمسن معصوم بچے بھی اسرائیلی ظلم و بربریت کے شکار فلسطینی بچوں سے اظہار یکجہتی کیلئے اپنے والدین کے ہمراہ شریک ہوئے۔ مظاہرین خواتیں و بچوں نے ہاتھوں میں پلے کارڈز و بینرز اٹھائے ہوئے تھے، جس پر مظلوم فلسطینیوں کی نسل کشی بند کرو، اسرائیل نامنظور، امریکا مردہ باد کے نعرے درج تھے۔ شرکاء ریلی نے صہیونی اسرائیل اور اسکے سرپرست امریکا کے خلاف احتجاج کرتے ہوئے نعرے بلند کئے۔ ریلی سے سیکرٹری جنرل فلسطین فاؤنڈیشن ڈاکٹر صابر ابو مریم، ڈاکٹر سارہ نوازش، پاکستان تحریک انصاف کی رہنما ام رباب، جمعیت علمائے پاکستان کی رہنما ام محتشم، معروف ٹی وی اینکر نازیہ علی، سوشل میڈیا ایکٹیوسٹ عابدہ خاتون و دیگر نے خطاب کیا۔ ڈاکٹر سارہ نوازش نے نظامت کے فرائض سرانجام دیتے ہوئے ریلی کے اختتام پر شرکاء کی جانب سے مطالباتی قراردادیں پیش کیں۔ ریلی میں سیاسی، سماجی اور مذہبی جماعتوں کے رہنماؤں نے بھی خصوصی طور پر شرکت کی۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial