16 مئی یوم مردہ باد امریکا، کراچی میں آئی ایس او کے تحت ریلی

متعلقہ فائیلیںرپورٹ: ایس ایم عابدی

 امامیہ اسٹوڈنٹس آرگنائزیشن پاکستان کراچی ڈویژن کی جانب سے شہید قائد علامہ عارف حسین الحسینی ؒ کے فرمان پر 16 مئی یوم مردہ باد امریکا بھرپور انداز میں منایا گیا۔ اس موقع پر مردہ باد امریکہ ریلی نمائش تا کراچی پریس کلب نکالی گئی۔ ریلی سے مرکزی رہنماء شیعہ علماء کونسل پاکستان مولانا ناظر عباس تقوی، صدر مجلس وحدت مسلمین کراچی ڈویژن مولانا صادق جعفری، رہنما فلسطین فاؤنڈیشن پاکستان ڈاکٹر صابر ابو مریم، مرکزی رہنما جمیعت علماء پاکستان مولانا عقیل انجم سمیت دیگر نے خطاب کیا ۔  ریلی میں مختلف شعبہ ہائے زندگی سے تعلق رکھنے والے افراد نے شرکت کی۔ ریلی کے اختتام پر شرکاء ریلی نے امریکا و اسرائیل کے پرچم نذر آتش کئے۔ اس موقع پر اپنے خطاب میں مقررین کا کہنا تھا کہ آج پاکستان میں اسرائیل کے حق میں آوازیں اٹھ رہی ہیں جو بانیان پاکستان اور قائداعظم کے نظریہ سے غداری ہیں، ریاست پاکستان قائداعظم محمد علی جناح اور علامہ اقبال کے نظریہ کے دشمنوں کو کیفر کردار تک پہنچائے، پاکستان کی عوام اپنے وطن کے بانیان کے نظریہ پر کاربند ہیں اور کبھی اسرائیل کو تسلیم نہیں کریں گے اور ایسی ہونے والی ہر کوشش کے خلاف سینہ سپر رہیں گے۔ مقررین کا مزید کہنا تھا کہ مسئلہ فلسطین اور مسئلہ کشمیر دونوں امت مسلمہ کے اہم مسائل ہیں اور اس کا حل بھی اتحاد امت اور مزاحمت کے ذریعہ ہی ممکن ہے مگر افسوس چند اسلامی ممالک کے علاوہ مسلمان ممالک کے لئے مسئلہ فلسطین و کشمیر فقط زبانی جمع خرچ تک محدود ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial