موجودہ حالات کے ذمہ دار 75 سال سے حکومت کرنیوالی جماعتیں ہیں، رحیم کاکڑ

اسلام ٹائمز۔ پاکستان تحریک انصاف کے رہنماؤں کا کہنا ہے کہ اس وقت وطن عزیز کو باعمل سیاسی قیادت کی ضرورت ہے، جو نئی قیادت پر مشتمل ہو۔ ملک کا جو حال ہے اس کے ذمہ دار 75 سال سے حکومت کرنے والی جماعتیں ہیں۔ اپنے بیان میں پاکستان تحریک اصاف کے رہنماء محمد رحیم کاکڑ و دیگر نے کہا کہ تحریک انصاف ملک اور فیڈریشن کی واحد جماعت ہے جو ملک کے چاروں صوبوں کے عوام میں مقبول ہے۔ بانی پی ٹی آئی کی قیادت میں ملک کو متحد و ترقی کی راہ پر گامزن کیا جائے گا۔ آج ملک کا جو حال ہے اس کے ذمہ دار 75 سال سے حکومت کرنے والی جماعتیں ہیں۔ ملک کا سب سے بڑا مسئلہ آج امن و امان کا ہے، جس پر قابو پانے میں حکومت ناکام ہوگئی۔ انہوں نے کہا کہ اس وقت وطن عزیز کو باعمل سیاسی قیادت کی ضرورت ہے، جو نئی قیادت پر مشتمل ہو۔