پی ٹی آئی کے خیبرپختونخوا تنظیمی ڈھانچے میں بڑی تبدیلیاں لانے کی تیاری

اسلام ٹائمز۔ خیبرپختونخوا میں پی ٹی آئی کے تنظیمی ڈھانچے میں بڑی تبدیلیاں لانے کی تیاری شروع کر دی گئی۔ پارٹی ذرائع کے مطابق نئے صوبائی صدر نے پارٹی کے نئی تنظیم سازی پر کام شروع کر دیا، صوبائی ذمہ داروں کے ساتھ ریجن، تحصیل اور ڈسٹرکٹ کے ذمہ داروں کو تبدیل کیا جائے گا۔ ذرائع کے مطابق پرانے اور دیرینہ کارکنان کو آگے لایا جائے گا، غیر متنازع اور قربانیاں دینے والوں کو ذمہ داری دی جائے گی، کسی بھی وجہ سے پارٹی کے خاموش اور نظر انداز ورکرز اور راہنماؤں کو سرگرم کیا جائے گا۔ پارٹی ذرائع کے مطابق پہلے مرحلے میں پارٹی تنظیم سازی پر کام ہوگا، ذرائع کا کہنا ہے کہ نئے صوبائی صدر کی خواہش ہے ایک مضبوط تنظیم بنائی جائے۔